10:51 PM
Unknown
រូបបដិមាមានចំណាស់មួយពាន់ឆ្នាំពីរអង្គគឺ “សហទេព” និង “នកុល” ដែលបានបាត់ពីប្រាសាទកោះកេរ្តិ៍ អំឡុងទសវត្សរ៍ទី៧០ ត្រូវបានសារមន្ទីរសហរដ្ឋអាមេរិក Metropolitan ប្រគល់មកដល់ប្រទេសកំណើតរបស់ខ្លួនវិញហើយ នៅល្ងាចម្សិលមិញ តាមអាកាសយានដា្ឋនអន្តរជាតិភ្នំពេញ។
ឯកឧត្ថម ជុច ភឿន រដ្ឋលេខាធិការក្រសួងវប្បធម៌ និងវិចិត្រសិល្បៈថ្លែងថា៖ “ខ្ញុំខ្លូនឯងគឺសប្បាយចិត្ត ហើយសង្ឃឹមថារូបចម្លាក់បីបួនទៀតនឹងត្រូវមកដូចគ្នា”។
ឯកឧត្តមរៀបរាប់ពីប្រវត្តិនៃរូបចម្លាក់នេះថា រូបបដិមាទាំងពីរនេះ គឺស្ថិតក្នុងចំណោមរូបបដិមាទាំង៩អង្គ ដែលខ្មែរបានសាងសង់ឡើងក្នុងសតវត្សរ៍ទី១០ នៅប្រាសាទកោះកេរ្តិ៍ (ខេត្តព្រះវិហារបច្ចុប្បន្ន) ប៉ុន្តែត្រូវបានបាត់ក្នុងអំឡុងទសវត្សរ៍១៩៧០ ខណៈប្រទេសកម្ពុជាកំពុងធ្លាក់ក្នុងវិបត្តិនយោបាយ។
ក្នុងចំណោមរូបបដិមាទាំង៩ដែលបានបាត់កន្លងមក កម្ពុជារកឃើញវិញតែមួយអង្គគត់ គឺកំពុងតម្កល់នៅអភិរក្សអង្គរ ដូច្នេះការវិលមកដល់នៃបដិមាទាំងពីរនេះ ធ្វើឲ្យកម្ពុជាមានរូបបដិមារបស់ប្រាសាទកោះកេរ្តិ៍ចំនួនបីហើយ។ ដូច្នេះកម្ពុជានៅបាត់តែ៦អង្គទៀតទេ។ ឯកឧត្តមសង្ឃឹមថា រូបបដិមាផ្សេងទៀតនឹងត្រឡប់មកកម្ពុជាជាបន្តបន្ទាប់។
ការបញ្ជូនបដិមាទាំងពីរនេះត្រឡប់មកកម្ពុជាវិញ គឺបន្ទាប់ពីក្រុមហ៊ុនដាក់ដេញថ្លៃមួយឈ្មោះថា Sotheby ដាក់រូបបដិមានេះដេញថ្លៃលក់ជាសាធារណៈ ហើយកម្ពុជាបានស្នើសុំឲ្យក្រុមហ៊ុននោះដកចេញពីបញ្ជីដាក់លក់។ ក្រោយពីមានការតស៊ូយ៉ាងខ្លាំងក្លាពីរដ្ឋាភិបាលកម្ពុជា និងមានភស្តុតាងបង្ហាញថាជារបស់ខ្មែរ ព្រមទាំងមានការជួយជ្រោមជ្រែងពីរដ្ឋាភិបាលអាមេរិក សារមន្ទីរ Metropolitan ដែលដាក់តាំងបង្ហាញរូបចម្លាក់នេះជាសាធារណៈនៅទីក្រុងញូយ៉ក បានសម្រេចប្រគល់រូបបដិមាទាំងពីរមកឲ្យកម្ពុជាវិញ។
រូបបដិមាទាំងពីរនេះមានកម្ពស់ប្រហែល១.២ម៉ែត្រ ហើយនីមួយៗមានទម្ងន់ប្រហែល៩០គីឡូក្រាម។
លោក Maxwell K. Hearn តំណាងសារមន្ទីរ Metropolitanថ្លែងថា រូបចម្លាក់ទាំងពីរនេះគឺមានសារសំខាន់ណាស់សម្រាប់សារមន្ទីរនាទីក្រុងញូយ៉ក ក្នុងការដាក់តាំងបង្ហាញឲ្យមនុស្សទូទាំងសាកលលោកបានស្វែងយល់ពីសិល្បៈខ្មែរ។ លោកថ្លែងពីអារម្មណ៍ថា៖ “យើងច្បាស់ជានឹកដល់រូបចម្លាក់ទាំងពីរនេះចាប់ពីពេលនេះទៅ ប៉ុន្តែភស្តុតាងបានបង្ហាញថា វាជាកម្មសិទ្ធិរបស់កម្ពុជា ដូច្នេះត្រូវតែឲ្យវាត្រឡប់មកកម្ពុជាវិញនាថ្ងៃនេះ”។
បដិមាទាំងពីរនេះកំពុងតម្កល់ទុកនៅសារមន្ទីរជាតិ មុននឹងយកទៅតាំងឯវិមានសន្តិភាព ដើម្បីបង្ហាញដល់កិច្ចប្រជុំគណៈកម្មាធិការបេតិកភណ្ឌពិភពលោកលើកទី៣៧ ដែលនឹងរៀបចំធ្វើនៅកម្ពុជា ពីថ្ងៃទី១៦ដល់ថ្ងៃទី២៧ ខែមិថុនានេះ។ បន្ទាប់មកទៀត បដិមាទាំងពីរអង្គនឹងត្រូវយកមកតម្កល់នៅសារមន្ទីរជាតិវិញ៕
ប្រភព ៖ sabay
ឯកឧត្ថម ជុច ភឿន រដ្ឋលេខាធិការក្រសួងវប្បធម៌ និងវិចិត្រសិល្បៈថ្លែងថា៖ “ខ្ញុំខ្លូនឯងគឺសប្បាយចិត្ត ហើយសង្ឃឹមថារូបចម្លាក់បីបួនទៀតនឹងត្រូវមកដូចគ្នា”។
ឯកឧត្តមរៀបរាប់ពីប្រវត្តិនៃរូបចម្លាក់នេះថា រូបបដិមាទាំងពីរនេះ គឺស្ថិតក្នុងចំណោមរូបបដិមាទាំង៩អង្គ ដែលខ្មែរបានសាងសង់ឡើងក្នុងសតវត្សរ៍ទី១០ នៅប្រាសាទកោះកេរ្តិ៍ (ខេត្តព្រះវិហារបច្ចុប្បន្ន) ប៉ុន្តែត្រូវបានបាត់ក្នុងអំឡុងទសវត្សរ៍១៩៧០ ខណៈប្រទេសកម្ពុជាកំពុងធ្លាក់ក្នុងវិបត្តិនយោបាយ។
ក្នុងចំណោមរូបបដិមាទាំង៩ដែលបានបាត់កន្លងមក កម្ពុជារកឃើញវិញតែមួយអង្គគត់ គឺកំពុងតម្កល់នៅអភិរក្សអង្គរ ដូច្នេះការវិលមកដល់នៃបដិមាទាំងពីរនេះ ធ្វើឲ្យកម្ពុជាមានរូបបដិមារបស់ប្រាសាទកោះកេរ្តិ៍ចំនួនបីហើយ។ ដូច្នេះកម្ពុជានៅបាត់តែ៦អង្គទៀតទេ។ ឯកឧត្តមសង្ឃឹមថា រូបបដិមាផ្សេងទៀតនឹងត្រឡប់មកកម្ពុជាជាបន្តបន្ទាប់។
ការបញ្ជូនបដិមាទាំងពីរនេះត្រឡប់មកកម្ពុជាវិញ គឺបន្ទាប់ពីក្រុមហ៊ុនដាក់ដេញថ្លៃមួយឈ្មោះថា Sotheby ដាក់រូបបដិមានេះដេញថ្លៃលក់ជាសាធារណៈ ហើយកម្ពុជាបានស្នើសុំឲ្យក្រុមហ៊ុននោះដកចេញពីបញ្ជីដាក់លក់។ ក្រោយពីមានការតស៊ូយ៉ាងខ្លាំងក្លាពីរដ្ឋាភិបាលកម្ពុជា និងមានភស្តុតាងបង្ហាញថាជារបស់ខ្មែរ ព្រមទាំងមានការជួយជ្រោមជ្រែងពីរដ្ឋាភិបាលអាមេរិក សារមន្ទីរ Metropolitan ដែលដាក់តាំងបង្ហាញរូបចម្លាក់នេះជាសាធារណៈនៅទីក្រុងញូយ៉ក បានសម្រេចប្រគល់រូបបដិមាទាំងពីរមកឲ្យកម្ពុជាវិញ។
រូបបដិមាទាំងពីរនេះមានកម្ពស់ប្រហែល១.២ម៉ែត្រ ហើយនីមួយៗមានទម្ងន់ប្រហែល៩០គីឡូក្រាម។
លោក Maxwell K. Hearn តំណាងសារមន្ទីរ Metropolitanថ្លែងថា រូបចម្លាក់ទាំងពីរនេះគឺមានសារសំខាន់ណាស់សម្រាប់សារមន្ទីរនាទីក្រុងញូយ៉ក ក្នុងការដាក់តាំងបង្ហាញឲ្យមនុស្សទូទាំងសាកលលោកបានស្វែងយល់ពីសិល្បៈខ្មែរ។ លោកថ្លែងពីអារម្មណ៍ថា៖ “យើងច្បាស់ជានឹកដល់រូបចម្លាក់ទាំងពីរនេះចាប់ពីពេលនេះទៅ ប៉ុន្តែភស្តុតាងបានបង្ហាញថា វាជាកម្មសិទ្ធិរបស់កម្ពុជា ដូច្នេះត្រូវតែឲ្យវាត្រឡប់មកកម្ពុជាវិញនាថ្ងៃនេះ”។
ប្រភព ៖ sabay
