អ្នករចនារូបភាព ដែលចាប់កំណើតក្នុងត្រកូលពលរដ្ឋជនបទនាតំបន់ស្រែកចម្ការតាមដងទន្លេមេគង្គ កំពុងសម្រេចបាននូវក្តីស្រមៃក្នុងការមានឈ្មោះបោះសំឡេង ទាំងក្នុងឆាកជាតិ និងអន្តរជាតិ តាមរយៈស្នាដៃច្នៃប្រឌិតខ្ពស់របស់ខ្លួន។
យុវជន កុយ វិសុទ្ធ ដែលមានរហ័សនាមថា វិសុទ្ធ កវី បានសម្រេចគោលបំណងរបស់ខ្លួន ដោយបានក្លាយជាអ្នករចនារូបភាពដ៏ពូកែមួយរូប ល្បីរន្ទឺពាសពេញទំព័រហ្វេសបុក។ រូបភាពរបស់លោកត្រូវបានស្ថាប័ននានា ដូចជាស្ថានីយទូរទស្សន៍ គេហទំព័រអាស៊ាន ឬស្ថានទូតអាមេរិក យករូបរបស់លោកទៅប្រើប្រាស់ទៀតផង។
វិសុទ្ធ កវី បានប្រាប់ Sabay ថា កាលពីតូច រូបលោកចូលចិត្តគូរគំនូរបែបច្នៃប្រឌិតផ្សេងៗ ដែលនិយាយពីទេសភាព និងវប្បធម៌ស្រុកខ្មែរ ប៉ុន្តែនៅពេលនោះ លោកមិនទាន់បានស្គាល់ ឬប៉ះពាល់កុំព្យូទ័របន្តិចណាឡើយ។ ពេលនោះ វិសុទ្ធ កវី គ្រាន់តែគូរគំនូរផ្សេងៗនៅលើក្រដាសតែប៉ុណ្ណោះ។
យុវជនមកពីឃុំរកាកោង២ ស្រុកមុខកំពូល ខេត្តកណ្ដាលរូបនេះ បានបន្តទៀតថា៖ “នៅឆ្នាំ ២០០៨ ខ្ញុំចាប់ផ្ដើមចេះប្រើកុំព្យូទ័រ និងរៀនកម្មវិធី Design បន្តិចបន្តួច។ ពេលនោះ ខ្ញុំរៀនឆាប់ចេះណាស់ ព្រោះគំនិតច្នៃប្រឌិតលើរូបភាពខ្ញុំមានក្នុងខួរក្បាលរួចស្រេចទៅហើយ អ្វីដែលត្រូវរៀនបន្ថែមគឺបច្ចេកទេសកាត់តរូបក្នុងកុំព្យូទ័រតែប៉ុណ្ណោះ”។
ខុសពីអ្វីដែលលោកធ្លាប់បានគូររូបនៅលើក្រដាស់កន្លងទៅ ការរចនារូបភាពតាមកម្មវិធី Design ក្នុងកុំព្យូទ័រពិតជាមានភាពងាយស្រួល និងលេចចេញលទ្ធផលដែលមិននឹកស្មានដល់។ កាលណាលោកស្រាវជ្រៀវកាន់តែច្រើន កុំព្យូទ័រហាក់បង្រៀនលោកកាន់តែច្រើនដែរ។
អ្នក
រចនា រូបភាពវ័យក្មេងរូបនេះបន្តទៀតថា ដើមឡើយ
ស្នាដៃនិងគំនិតរចនារូបភាពទាំងអស់របស់លោកហាក់នៅក្មេងខ្ចីណាស់ ដែលធ្វើឲ្យមានអ្នករិះគន់យ៉ាងច្រើន ប៉ុន្តែ វិសុទ្ធ កវី មិនដែលអន់ចិត្តនឹងពាក្យទាំងនោះទេ។ ផ្ទុយទៅវិញ យុវជនរូបនេះយកមតិរិះគន់ទាំងនោះ ធ្វើជាមេរៀនដើម្បីអភិវឌ្ឍខ្លួនឯងថែមទៀតផង។
ស្នាដៃរចនារូបភាពចេះតែរីកចម្រើន បូកផ្សំជាមួយគំនិតបើកទូលាយស្វែងយល់ពីមតិរបស់អ្នករិះគន់ទាំងអស់ បានធ្វើឲ្យរូបភាពរបស់ វិសុទ្ធ កវី ត្រូវបានគេអនុញ្ញាតឲ្យយកទៅតាំងពិព័រណ៍នៅសហរដ្ឋអាមេរិក ដែលរៀបចំដោយក្រុមហ៊ុន Bridge Entertainment។
“នៅទីនោះ រូបភាពខ្ញុំមានគេគាំទ្រច្រើនណាស់ ព្រោះរូបទាំងនោះបញ្ជាក់វប្បធម៌ និងការរស់នៅប្រចាំថ្ងៃរបស់ប្រជាជនខ្មែរយើង”។ វិសុទ្ធ កវី បញ្ជាក់។
ឆ្លៀតក្នុងឱកាសបង្ហាញវត្តមានលើកដំបូង វិសុទ្ធ កវី មានការជ្រោមជ្រែងពីក្រុមហ៊ុនឯកជនមួយ ជួយស្វែងរកឯកសារមួយចំនួនពីសាកលវិទ្យាល័យ Boston ពាក់ព័ន្ធនឹងការ Design រូបភាព ថែមទៀតផង។ យុវជន មកពីស្រុកស្រែចម្ការរូបនេះបន្ថែមថា អ្វីដែលជាចំណុចសំខាន់របស់អ្នករចនារូបភាព គឺគំនិតច្នៃប្រឌិត។ ចំណុចមួយទៀត គឺត្រូវចេះស្រាវជ្រាវឯកសារ ឬក៏មើលគំនិតផ្សេងៗតាមរយៈអ៊ីនធឺណិត ព្រោះសម័យឥឡូវចង់រៀនអីក៏បានដែរ សំខាន់ឲ្យតែខំប្រឹង។
រូបភាពខាងក្រោមនេះ ជាស្នាដៃមួយចំនួនរបស់ វិសុទ្ធ កវី ដែលធ្វើឲ្យគេស្គាល់ពីខ្លួន៖
១. រូបភាពរចនាក្នុងព្រះរាជពិធីព្រះបរមសពអតីតព្រះមហាវីរក្សត្រ ដែលត្រូវបានប្រើប្រាស់ជាសាធារណៈ ក្នុងស្ថាប័នមួយចំនួន និងគ្រប់ស្ថានីយ៍ទូរទស្សន៍ ក្នុងប្រទេសកម្ពុជា។
២. ស្លាកសញ្ញាទីក្រុងស្អាតដែលត្រូវបានប្រើប្រាស់ជាផ្លូវការក្នុងការប្រកួតប្រជែងទីក្រុងស្អាតនៅកម្ពុជា។
៣. រូបភាពច្នៃប្រឌិតនៃសម្ព័ន្ធភាពរវាងប្រទេសកម្ពុជា និងសហរដ្ឋអាមេរិក ដែលត្រូវបានដាក់តាំងក្នុងស្ថានទូត សហរដ្ឋអាមេរិកប្រចាំកម្ពុជា។
៤. ចំណាត់ថ្នាក់លេខ១ក្នុងការប្រឡងស្នាដៃប្រចាំប្រទេស ដែលរៀបចំដោយសាកលវិទ្យាល័យភូមិន្ទវិចិត្រសិល្បៈ សហការជាមួយប្រទេសជប៉ុន ក្រោមប្រធានបទ កម្ពុជាជាទីស្រឡាញ់របស់ខ្ញុំ។
៥. ពិព័រណ៌ស្នាដៃច្នៃប្រឌិតក្នុងរដូវរងារដែលរៀបចំដោយក្រុមហ៊ុន Bridge Entertainment នៅ១០ទីក្រុង និងរដ្ឋនៅសហរដ្ឋអាមេរិក។
៦.រូបភាពរចនាមួយក្នុងចំនោមរូបភាពជាច្រើនទៀតដែលត្រូវបានទំព័រអាស៊ានប្រើប្រាស់ សម្រាប់ការគាំទ្រស្នាដៃ និងបង្ហាញពីវប្បធម៌ជាតិ។
ប្រភព៖ sabay
9:49 PM
Unknown
៣. សាធារណរដ្ឋឥណ្ឌូណេស៊ី (Republic of Indonesia )
៤. សាធារណរដ្ឋប្រជាមានិតឡាវ (The Lao People’s Democratic Republic of Lao PDR)
៥. ម៉ាឡេស៊ី (Malaysia)
៦. សាធារណរដ្ឋហ្វីលីពីន (Republic of the Philippine)
៧. សាធារណរដ្ឋសិង្ហបុរី (The Republic of Singapore)
៨. ព្រះរាជាណាចក្រថៃ (Kingdom of Thailand)
៩. វៀតណាម (The Socialist Republic of Vietnam)
១០. សហភាពមីយ៉ាន់ម៉ា (Union of Myanmar)
ប្រែសម្រួល ៖ សុខា នីកា
